Xan 1860's video: Xalq Se imi 2018 layih si

Martın 15-də “Tavada” restoranında Day.az media şirkətinin təsis etdiyi “Xalq seçimi” mükafatının təqdimat mərasimi keçirilmişdir. Şirkətin direktor müavini Arzu Nağıyev mərasimdə çıxış edərək müsabiqə barədə ətraflı məlumat vermişdir. Sorğuya insanların hansı məhsullara üstünlük verdiklərini müəyyənləşdirmək üçün gündəlik həyatda ən çox istifadə olunan məhsullar çıxarılmışdır. İnternet istifadəçiləri müsabiqədə iştirak edərək interaktiv səsvermə yolu ilə 22 nominasiya üzrə öz seçimlərini etmişlər. Tədbirdə, həmçinin Göygöl Şərab Zavodunun məhsulları, nailiyyətləri və yeni “Karabakh” markalı şərablarımız barəsində məlumat verilmiş, tədbirdə iştirak edən qonaqlara “Karabakh” şərablarının zəngin buketini hiss etmək və ləziz dadını dequstasiya etmək üçün təqdim edilmişdir. Ölkənin müxtəlif biznes strukturlarının, yerli və xarici şirkətlərin nümayəndələrinin iştirak etdiyi mərasimdə qaliblərə “Xalq seçimi” mükafatı, diplom və hədiyyələr təqdim edilmişdir.