Μαθήματα Αρχαίων Ελληνικών για Ενήλικες's video: 42

ΦΟΙΝΙΣΣΑΙ - ΕΥΡΙΠΙΔΗΣ ΙΟΚΑΣΤΗ ὦ τέκνον, οὐχ ἅπαντα τῷ γήρᾳ κακά, Ἐτεόκλεες, πρόσεστιν· ἀλλ᾽ ἡμπειρία 530 ἔχει τι λέξαι τῶν νέων σοφώτερον. τί τῆς κακίστης δαιμόνων ἐφίεσαι Φιλοτιμίας, παῖ; μὴ σύ γ᾽· ἄδικος ἡ θεός· πολλοὺς δ᾽ ἐς οἴκους καὶ πόλεις εὐδαίμονας εἰσῆλθε κἀξῆλθ᾽ ἐπ᾽ ὀλέθρῳ τῶν χρωμένων· 535 ἐφ᾽ ᾗ σὺ μαίνῃ. κεῖνο κάλλιον, τέκνον, Ἰσότητα τιμᾶν, ἣ φίλους ἀεὶ φίλοις πόλεις τε πόλεσι συμμάχους τε συμμάχοις συνδεῖ· τὸ γὰρ ἴσον νόμιμον ἀνθρώποις ἔφυ, τῷ πλέονι δ᾽ αἰεὶ πολέμιον καθίσταται 540 τοὔλασσον ἐχθρᾶς θ᾽ ἡμέρας κατάρχεται. καὶ γὰρ μέτρ᾽ ἀνθρώποισι καὶ μέρη σταθμῶν Ἰσότης ἔταξε κἀριθμὸν διώρισεν, νυκτός τ᾽ ἀφεγγὲς βλέφαρον ἡλίου τε φῶς ἴσον βαδίζει τὸν ἐνιαύσιον κύκλον, 545 κοὐδέτερον αὐτῶν φθόνον ἔχει νικώμενον. εἶθ᾽ ἥλιος μὲν νύξ τε δουλεύει βροτοῖς, σὺ δ᾽ οὐκ ἀνέξῃ δωμάτων ἔχων ἴσον καὶ †τῷδ᾽ ἀπονεῖμαι†; κᾆτα ποῦ ᾽στιν ἡ δίκη; τί τὴν τυραννίδ᾽, ἀδικίαν εὐδαίμονα, 550 τιμᾷς ὑπέρφευ καὶ μέγ᾽ ἥγησαι τόδε; περιβλέπεσθαι τίμιον; κενὸν μὲν οὖν. ἢ πολλὰ μοχθεῖν πόλλ᾽ ἔχων ἐν δώμασιν βούλῃ; τί δ᾽ ἐστὶ τὸ πλέον; ὄνομ᾽ ἔχει μόνον· ἐπεὶ τά γ᾽ ἀρκοῦνθ᾽ ἱκανὰ τοῖς γε σώφροσιν. 555 οὔτοι τὰ χρήματ᾽ ἴδια κέκτηνται βροτοί, τὰ τῶν θεῶν δ᾽ ἔχοντες ἐπιμελούμεθα· ὅταν δὲ χρῄζωσ᾽, αὔτ᾽ ἀφαιροῦνται πάλιν. {ὁ δ᾽ ὄλβος οὐ βέβαιος, ἀλλ᾽ ἐφήμερος.} ΓΙΑ ΠΛΗΡΟΦΟΡΙΕΣ ΚΑΙ ΔΗΛΩΣΕΙΣ ΣΥΜΜΕΤΟΧΗΣ ΣΤΑ ΜΑΘΗΜΑΤΑ, ΜΠΕΙΤΕ ΣΤΟΝ ΙΣΤΟΤΟΠΟ: https://www.learnancientgreek.gr/ Ή ΣΤΗ ΣΕΛΙΔΑ ΜΑΣ ΣΤΟ facebook: https://www.facebook.com/pages/%CE%9C%CE%B1%CE%B8%CE%AE%CE%BC%CE%B1%CF%84%CE%B1-%CE%91%CF%81%CF%87%CE%B1%CE%AF%CF%89%CE%BD-%CE%95%CE%BB%CE%BB%CE%B7%CE%BD%CE%B9%CE%BA%CF%8E%CE%BD-%CE%B3%CE%B9%CE%B1-%CE%95%CE%BD%CE%AE%CE%BB%CE%B9%CE%BA%CE%B5%CF%82/357789461091797 ή στο e-mail: n.paxinou@gmail.com