宮崎聖's video:

我個配音黑歷史：新會話版《成聾爆王洗頭水廣告》...... 好幾年前既本土語言配音作品了。 以前就咁攞嗰啲爛鬼手機錄低既，音質好差。 嗰陣凈係識少少視頻剪接，匆忙之下將段錄音變成視頻，清晰度都好差下。 當年純粹一時興起，見到成龍個爛鬼洗髮水廣告猛咁響度播，突然諗起如果用新會話講呢啲廣告詞，咁又會點呢？跟住又諗返起先前有個東莞話版既成龍...... 於是，自己試住用新會話講，加上好多地方特色既詞彙，真係盞鬼到爆！ 嗰陣，當係為嗰種平日除咗應試就乜都無既平淡生活、增添一啲樂趣咁啦。 冇諗到個視頻發上微博，當日就呃咗幾千條當地鄉民既轉發，讃多過彈。 微博度自稱「新會佬」個我，響當地都hit過一下~ 不過都係學業原因，唔係好得閒整視頻，個微博無更新好耐，都好少人關注我個微博。於是升上大學、棄用微博之後，就無再搞呢方面既野了。 因為近年我對本土文化保護既信念再度萌生，今日唔覺意摷返呢個視頻出來，真係好懷念當年嗰種已現雛形既本土價值觀~ 希望有一日，等我 視頻製作能力+有關方面既學術研究 再上一台階，「新會佬」就一定會慢慢歸來...... 【第二日打算重新配過呢段成龍廣告，會再加多少少創意上去~】 嗰陣時我仲響大陸讀緊中學，仲未有正字正音意識，視頻入面用既都係近音字+簡體字，見諒。 具體既廣州話意思： 當我第一走去拍呢個廣告嗰陣，鬼整佢咯！我嗰陣根本就唔想拍。你話拍就拍啦？你哋又唔畀我用一下。 我又唔想咁無陰功，拍個咁hea個廣告，加埋曬啲柒到死特技上去，搞到我啲頭髮好似隻裹蒸粽咁，仲係發毛嗰隻粽添！你哋咁拍個廣告出來，你想啲觀眾抬我入青山啊？整色整水，嘥咗我原本既頭髮！ 後來呢，我走過去佢哋間廠度睇下，佢哋嗰啲爛鬼洗髮水係用啲咩中藥整既，無化學成分，放幾耐都唔會餿。唔似人哋嗰隻咁，聞落去臭蹦蹦，用落去嚡烚烚，睇到嗰隻洗髮水，真係想兜巴摑死個老闆！咁我就，將就下，用咗呢隻洗髮水個零月到啦！哇屌！呢隻洗髮水真係用到我好過癮！嗰日我仲貪得意畀曬我全班用添！ 我拍嗰陣，就係同個死人導演講，你要拍，你就同我正正經經咁拍，唔好咁叻唔切，加咁多唔三唔四既特技上去，搞到我啲頭髮黑古勒掘又閃下閃下。我要畀啲觀眾睇到，我拍嗰陣係咁個款，你哋用嗰陣又係咁beautiful既~