Rai Waleed Bhatti 's video:

*چوآ سیدن شاہ کے نواحی قصبے پڈھ اور ڈنڈوت کے وسط میں واقع مائیننگ ایریا اگالیاں کی ایک مائن میں پانی کا سمندر امڈ آیا* *کڑکتی دھوپ اور سخت گرمی میں یہ پانی لوگوں میں بہترین تفریح فراہم کرنے کا ذریعہ بن گیا* *چوآ سیدن شاہ ( بلال شوکت طور سے ) تحصیل چوآ سیدن شاہ کے نواحی قصبوں پڈھ اور ڈنڈوت کے وسط میں واقع مائیننگ ایریا جو اس علاقہ میں اگالیاں کے نام سے مشہور ہے ایک کول مائن میں پانی کا سمندر امڈ آیا جو سخت گرمی اور کڑکتی دھوپ میں لوگوں کو بہترین تفریح مہیا کر رہا ہے آس پاس کے منچلے نوجوان اب ڈیم پر جانے کی بجائے روزانہ یہاں نہانے کے لئے آرہے ہیں اور ٹھنڈے پانی سے نہا کر بدن کی گرمی دور کر رہے ہیں اس کے ساتھ ساتھ یہ پانی پینے کے لئے بھی استعمال کیا جا رہا ہے کیونکہ یہ پانی صاف شفاف اور ٹھنڈا ہونے کیساتھ ساتھ میٹھا بھی ہے اور علاقے میں پینے کے پانی کی شدید قلت بھی ہے اسلئے لوگ یہاں سے پانی پینے کے لئے گھروں میں بھی لے جارہے ہیں لوگوں کا بتانا ہے کہ یہ پانی مسلسل اڑھائی ماہ سے چوبیس گھنٹے مشینری کے زریعے مائن سے باہر نکالا جا رہا ہے اور اس میں کسی قسم کی کوئی بھی کمی دیکھنے میں نہیں آرہی لوگوں کا مزید کہنا ہے کہ حکومت ماہرین سے تحقیق کرائے اگر یہ پانی مزید دیرپا چلنے والا ہو تو پائپ لائنیں ڈال کر آس پاس کے گاؤں میں جو پانی کی قلت ہے یہ پانی وہاں پہنچا کر اس کمی کو دور کیا جاسکتا ہے*