CairokeeOfficial's video: Cairokee - Zaman El Kalam -

https://twitter.com/CairoKee https://www.facebook.com/Cairokee https://www.instagram.com/cairokee/ رسوم: محمد مصطفى تحريك: طارق شاهين، علياء وهبي Illustration: Muhammad Mustafa Animation: Alia Wahby, Tarek Shahin Compositing: Tarek Shahin Album Artwork: Muhammad Mustafa Typography: Islam Hassan كل ما تيجي الفكرة تروح كل ما بوصل لحتة بتوه كل ما اشرب من كاس العلام يتسرب من عقلي بقيت الكلام والوقت بيجري مني جامد إنهاردة بقي إمبارح بقي كله سايح سايح سارح في اللي التلاهي سارح في المسارح والمشهد هزالي مبقاش فيه فن يغذي الروح مبقاش فيه حد يخاطب عقلي مبقاش فيه حد يريح قلبي قلبي اللي بقي مليان .. مليان جروح كله فاضي كله عادي كله سارح في الملاهي كله تافه وبيتباهي كله عايش لنفسه اناني كله ملوش تفكير غير انه يبقي من المشاهير باقل مجهود بدون تبرير كل شايف نفسه مدير كله نفسه يبقي كبير عالفاضي . كله سراب كله تراب كله عايز يبقي كبير عالفاضي . كله سراب كله تراب سلام سلام يا زمن الكلام مبقتش بطيق الناس زي القروش بيشموا ريحة الدم لو انت طيب تنداس و انا اللي بشيل الهم التاريخ علمني إن الحياة بتلف في دايرة مقفولة حتي الساعة اللي عقرابها واقعة ممكن تبقي لسه موقوتة بس العقرب اللي سم جسمي سمه لسه موجود عايش في صحرا واسعة كبيرة العلم فيها ملوش وجود كله فاهم كله شايف كله مغمض عينه و نايم كله ماسك في حاجة و سايب سمها يجري فيه بفرغ طاقتي السلبية زي الرصاص ساعات بترد فيا ساعات تضرب في أعز الناس فاكتم فيا الاذية و تنفجر جوايا كان نفسي تكوني ليا بس للأسف مفيش معايا غير أفكار بسيطة سهل و باتنين جنيه إبتكار والليلة فيه الكابوس هيزورني في نفس الميعاد بيعرض فيلم بطولته فشلي و كل يوم عمال يتعاد ولما الشاشة بتسود بقرا قصيدة بتقول هتصحى عجوز في جسم شاب علي ضل حلم علي جبل عتاب علي عين مشافتش غير إكتئاب بيني و بين نفسي ميت ألف حساب سلام سلام يا زمن الكلام لو فاكر انك هتحاسبني فكر مرتين انت زيك زي يا ابني معلش إسمحلي أقولك كلمتين واحد متحاولش تقيمني كتير عشان متتبعبش اتنين عمرك ما تقارن نجاحي بنجاح هابط فاسد جدره هش فقبل ما تحاسبني بص لنفسك في المرايا و اعرف ان سجني اللي جوا مخك مش هيفرق معايا وآخر نصيحة عندي عندي ليك أقولهاك لو عندك نصيحة ليها أحسنلك تخيلهالك