Frostgard2's video: Aelfric - Amal Spill - Visigothic Melody 18 The Story of the Amali

Sái! Fadreins só frumista, sóei fráujinóda lagga: Gáuts þis gaízis, Gutané fruma, háuha harja, himinareikis, mannané giutands Midjungarda. Hulmuls háilags, Himinabaírgis þiudans, manasédáis atta, mareinó guþ. Háihs handugeins, Hulmulis sunu. Amals áudahafts, ansiwam liufs, Wanaháimái waiwaild, wulþus Gutané. Eisarnis áudags, Amalis sunu. Austróguta sutis, Eisarnis baúr, Griutuggós bótida af Gébidé balwa, fáifah Fastidan, fijand Gutané. Huniwiljis hráins, haljórunóm sleideis, Aþalins atta, Austrógutins baúr. Aþala armahaírts, Agilwulfis fadar jah Wódwulfis, sa weiha niþjis. Agilwulfs Windharja Wulþuwulfis atta Ansilins jah Áudawulfis jah Airmanareikis— sa aftuma usdáudida, Amalé batists, af Griutuggam waiwaild und Gutiskandja; saúrga þiudana Sunihildjós niþjós: Walabrands wakrs, Wulþuwulfis baúr. Weidamérs Windharja wáih wiþra Hunam, Walabrandis baúr, Wandalharjins atta, Balambair blaggw Bózis hramjand, Hunimunds swikns, Swébné gajiuka, abrs áiwareiks, Airmanareikis baúr. Þórismunds þiuþeigs, þiudans liubósta, bi swikunþa mérs, swalt ana aihva, gáunódédun Griutuggós Gébidé bláuþja fidwór-tiguns fráujaláusé aþné. Weidareiks Wandalharjus, Waldamarkós niþjis, Waílaméris, Þiudaméris, jah Weidaméris atta. Waílamérs brannjands, Weidaméris bróþar, bi filu landawald jah galáubein mérs hróþeigs ufar Hunnam, harjatuga listeigs. Þiudamérs þiweigs, Þaisalóneikan ganam, ufar Sabum ráid, Swébans fraqistida. Þiudareiks Flabjus, Þiudaméris baúr, snutrein swikunþs Sarmatans jiukáida. Áudawakr ufsnáiþ, jah Italjái waiwaild. Amalé alla áiweins liuþón: Amalafreiþa, Amalabaírga, Áudawins Laggabardé, Albawins, Amalaswinþa jah Aþalareiks izós, Þiudamunds jah Þiudaguta, Þiudareikis niþjós, Austróguta, Amalareiks, Aidawiggs, Tulguwins, Þiudahadus, Þiudageisls, Þiudananþa jah; Gaísamunds, Geisó, Gunþigeis, Hunimunds, Anþila, Andageis, Áudareiks jah Baíramunds, Sidumunds jah Sigisreiks, ni slawista alla, Þiudané jah fraujé þeiham alþjáim.