Gladys Lau's video: CAMBODIA EP- 2 Travel Vlog

Day 3 Tour day 2 (柏威夏, 貢開) 呢日既行程真係比較遠,點與點之間真係要坐2-3個鐘車程,成日總共坐成7個鐘有多.雖然車程有點遠, 但柏威夏同貢開真係有別於係吳哥城內既寺廟, 柏威夏係坐落一座600多米既山上, 我地可以選擇坐車或者坐電單車上去, 我地當然選擇坐車啦! 如果坐電單車一定好刺激, 哈哈~上到去都要行10分鐘左右既小山路先正正式式到柏威夏第一個寺廟 柏威夏共有五個廟宇,每一個寺廟都相對較大,同冇咩壓迫感,加上一大遍綠色草地,感覺好舒服.其實.今日行程真係好緊迫, 基本上要行行行, 拍一拍就要走, 遺憾中間好多寺都冇入內參觀, 而最驚訝既係無諗過一個小山丘上給我既驚喜, 俯瞰落一大遍草原, 景色會是如此壯麗, 同行朋友都被這景色吸引下來, 我好想嘗試用相機或文字去告訴你地那當下既美景, 但實在難以形容, 那個上天如地下連接下來既畫面, 再加上什麼濾鏡般, 真係嘩左出黎. 必影: 第一座寺廟, 山上景色 接下來為趕到貢開沖沖食個杯麵又再起程. 貢開最吸引我既原因就係個金字塔, 一座比較像瑪雅金字塔既遺跡, 參觀過大小吳哥既我都唔係好明點解呢個古墓會如此不同, 貢開真係一個拍照既好地方, 未到金字塔前會經過一座座大小不一佈滿青苔既建築, 那份神秘感足以令人前來探索. 必影: 帶有陰暗的建築物, 金字塔 DINNER: LILLY POP RESTAURANT 晚餐我地選擇左一間柬式餐廳, 味道不過不失, 但唔講唔知大部分柬埔寨餐廳一個餸會跟一個飯, 同埋佢地煮既泰式冬陰公真係麻麻地 Day 4 Tour day 3 (崩密列, 女皇宮, 塔布龍寺) 最後一日包車既行程, 先到較遠既崩密列, 如果要數最頹廢既寺廟, 崩密列一定排第一位, 因為佢建築時用既材料係沙岩, 相比其他寺廟難以修復同保育, 正因為呢個原因, 佢既損壞情況都幾嚴重同時亦成為佢既特色 必影: 一堆亂石 之後我地到訪女皇宮, 不過天公不造美, 突然落左一埸大雨, 好在有小朋友冒雨兜售既雨衣, 我地先可以逃脫, 女皇宮係以朱色砂岩細緻雕刻而聞名, 寺廟亦比較細, 莫非同女人驕小有關? 必影:不如你話返我知哈哈 大雨過後,突然放晴, 咁岩經過皇帝既火葬場,我地就落去行下,順便曬下D衫 哈~上到去藍天白雲,簡直影靚相好時機 之後就到左以大樹以聞名既塔布龍寺, 最令人不可思議既係太自然既威力有如此強大,竟然可以大到足以摧毀寺廟, 大到與廟共存, 真係好神奇 難怪盜墓迷城也來取景. 穿梭叢林間. 必影: 大樹與廟 DINNER: The Original khmer BBQ 高棉火鍋一個價錢可以任食麵同菜, 而味道都幾好食, 又可以打邊爐又可以燒烤. 我可以敢講呢間既牛味道都算唔錯. 下集預告: 最後一集會去嘆SPA, 法國菜好冇食? 記得thumb up 同share 想睇靚相就follow 埋ig http://www.instagram.com/ggladyslau hashtag 睇返今個trip既相 http://www.facebook.com/gladyslau2017 more support and more me xx #愛世界愛旅行 #世界大得令人渺小 #工作的動力就是旅行