Gobanimo News's video: Qodobada ka soo baxay Shirweynaha Dhalinyarada Beelaha Toljecle iyo Farriimo loo diray Madaxweynaha

Masuuliyiintan ayaa dhalinyaradda kula dardaarmay inay muujiyaan midnimo, una istaagaan horumarka deegaamada ay ka soo jeedaan, isla markaana ay yeeshaan qorshe iyo iskaashi ay kaga qayb qaadanayaan horumarka dalka. Suldaanka guud ee Beeshaasi Suldaan Axmed Daahir Muuse, Guddoomiyaha Guddida horumarinta ee TALOSAME Prof. Maxamuud Xuseen Faarax, Xildhibaan Axmed Cabdi Ibraahim, Xildhibaan Cabdirisaaq Haybe, Cheif Caaqil Farxaan Cabdi Yey, Guddoomiyaha Golaha dhexe ee Xisbiga Kulmiye Maxamuud Jaamac Warfaa, Xogahaya Cadaaladda Xisbiga WADDANI Yoonis Axmed Yoonis, Xoghayaha Biyaha ee Xisbiga UCID Cabdisalaan Maxamed Muuse, Wasiir u dawlihii hore ee Wasaaradda Macdanta iyo tamarta Xukuumaddii Siilaanyo oo haatana kamida aasaaseyaasha urur-siyaasaddeedka SPP Yuusuf Cismaan Garas, Siyaasi Caydaruus Cabdi Samad, Caydaruus Maxamuud Yuusuf, Foosiya Ibraahim iyo masuuliyiin kale oo halkaasi ka hadlay, ayaa dhamantood bogaadiyey shirweynaha dhalinyarada, waxaanay kula dardaarmeen inay si qoto dheer uga tashadaan sidii ay u abuuran lahaayeen mustaqbal wanaagsan. Gabagabadii shirkaasi waxa laga soo saaray warmurtiyeed ka kooban lix qodob, waxaana halkaasi kaga dhawaaqay Aadan Axmed Yoonis oo kamida hormuudka dhalinyarada Geesta kale waxa shirkaasi lagau doortay shan xubnood oo dhalinyaro ah, kuwaasoo ka shaqayn doona horumarinta iyo isku xidhka dallada guud ee dhalinyarada.