Gujju box's video: Very tasty traditional food

ઉમર વધતી જય એમ માણસની કામ કરવાની શક્તિ ઘટતી જાય અને 60 કે 65 પછી માણસ રિટાયર્ડ થઇ જાય. પણ જૂનાગઢ માં આવો બીજો કિસ્સો જોયો જ્યાં 60 વર્ષે વૃદ્ધ પોતાની નવી ઇંનિંગ શરુ કરે અને જવાબદારી વહન કરવાના નવા રસ્તાઓ શોધે. ભવનાથ જતા રસ્તા પર એક રમેશ બાપા ઓરાવાળા તરીકે ઓળખાય છે જેનો વીડિયો પણ મેં તમને દેખાડ્યો છે. જયારે જૂનાગઢના જ બહાઉદ્દીન કોલેજની ફૂટપાથ પરની સ્ટ્રીટ ફૂડ માર્કેટમાં એક બાપા બેસે છે જે પણ પોતાના પરિવારનું ભારણ પોષણ કરવા માટે આજ રીતે લોકોને દેશી જમણ જમાડે છે. બહુ નાની એવી કેબીનમાં સાંજે 6.30 વાગ્યે ઘરેથી ગરમ ગરમ ઑરો, સેવ ટામેટાનું શાક, ઊંધિયું, ચવાણું ટામેટાનું શાક ડબ્બામાં ભરીને લાવે અને કેબીન ની બાજુમાંજ એક લાકડાની સગડી પર ગરમાગરમ રોટલા અને રોટલીઓ બનાવી ગ્રાહકોને જમાડે છે. આ વડીલનું નામ છે ચિકા બાપા. આ વીડિયો જોયા પછી તમારા મનમાં કેટલાક સવાલો ઉભા થશે કે આવડીક કેબીન માં શું બનાવતું હશે, અને કેવું હશે? પણ કોઈ સમીક્ષક કે ક્રિટીક બની ને જોવા કરતા આ વીડિયોને એક માનવતાની દ્રષ્ટિએ જુઓ તો ખબર પડશે કે આ વ્યક્તિ પોતાનાથી બનતી બધી મેહનત કરી અને જેટલું બની શકે તેટલું સારું ખવડાવવાની કોશિશ કરી રહ્યા છે પણ જે ભાવમાં તે જમાડે છે તે ભાવમાં તેના માટે કૈક બચવું પણ જરૂરી છે. 60 રૂપિયામાં એક રોટલો, ઑરો અથવા હાજરમાં હોઈ તેમાંથી જે ભાવે તે એક શાક કચુંબર, લસણની ચટણી એક છાસ અને એક પાપડ. આ બધી વસ્તુ સાથે સાથે તેમાં હાથમાં જે રોટલો ઘડવાની આવડત છે જે પણ ગજબ છે ... રોટલા પર ભલે ઘી કે માખણ નીતરતું ના હોઈ પણ જે દેશી ઢાબથી રોટલો બને છે તે ચુલ્હાની (લાકડાની સગડી)ની મહેક પણ રોટલાના સ્વાદને વધારી દે છે અને સાથે રીંગણાં પણ લાકડાના ચુલ્હા પર શેકીને તેનો ઑરો બનાવી લાવે છે જેનો સ્વાદ પણ મને એક એક કોળીયામાં અનુભવતો હતો. જૂનાગઢ માં મારુ ડિનર તો એના એકજ રોટલામાં પૂરું થઇ ગયું પણ હાલ કોરોનાની અસરને કારણે આવા અનેક લોકો કે જેના પર રોજનું કરીને રોજનું ખવડાવી અને રોજ પોતાના પરિવારનું પેટ ભરવાની જવાબદારી હોય તેની શું હાલત થતી હશે તે વિચાર પણ દુઃખી કરી મૂકે છે. ચિકા બાપાના ઓરા અને રોટલાનો સ્વાદ કેવો લાગ્યો તે તમને આ વીડિયો માં જોવા મળી જશે. વિડિયો પૂરો જોવા નમ્ર વિનંતી. લાકડાની સગડી પર રોટલા ઓરો બનાવી પરિવારનું ભારણ પોષણ કરે છે બાપા | Very tasty traditional food Cheaper Kathiyawari food