Habari za UN's video: Apu ya t-bu Lite yaleta mapinduzi katika tiba dhidi ya Kifua Kikuu au TB nchini Kenya

Nairobi Kenya kumefanyika kongamano la kimataifa la wataalam wa kifua kikuu au TB limekunja jamvi hivi karibuni na likijadili mbinu mujarabu za kuimarisha ushirikiano kati ya sekta binafsi na sekta za umma kwenye mapambano dhidi ya ugonjwa huo hatari, ambao kwa mujibi wa shirika la afya la Umoja wa Mataifa duniani WHO, TB ni moja ya magonjwa 10 yanayokatili maisha ya mamilioni ya watu duniani kila mwaka. Takwimu za WHO zinaonyesha kuwa idadi kubwa zaidi ya wagonjwa wa kifua kikuu duniani ni watu wazima na wengi wao ni wanaume kutoka kanda ya Afrika kKusini mwa Jangwa la Sahara. Mwandishi wetu wa Kenya Thelma Mwadzaya alipata fursa ya kuhudhuria kongamano hilo lililofanyika sanjari na kutolewa kwa ripoti ya WHO ya hali ya TB duniani na kuzungumza na baadhi ya washiriki.