I am Gujarat's video: Raj Kundra Remand:

શિલ્પા શેટ્ટીના પતિ રાજ કુન્દ્રાના પોલીસ રિમાન્ડ 27 જુલાઈ સુધી લંબાયા છે. અશ્લીલ ફિલ્મો બનાવાના કેસમાં શિલ્પા શેટ્ટીના પતિ અને બિઝનેસમેન રાજ કુંદ્રાની 19 જુલાઈએ ધરપકડ કરવામાં આવી હતી. ત્યાર બાદ 23મી જુલાઈ સુધી તેને પોલીસ રિમાન્ડ પર મોકલવામાં આવ્યો હતો. આજે 45 વર્ષીય રાજ કુંદ્રાના રિમાન્ડ પૂરા થતાં તેને કોર્ટમાંરજૂ કરવામાં આવ્યો હતો. જ્યાં પોલીસે વધુ 7 દિવસના રિમાન્ડની માગ કરી હતી. જોકે, કોર્ટે વધુ ચાર દિવસના રિમાન્ડ મંજૂર કરતાં રાજને 27મી જુલાઈ સુધી પોલીસ કસ્ટડીમાં મોકલી આપ્યો છે. રાજ કુંદ્રાએ કોર્ટમાં જામીન અરજી પણ કરી હતી, જેને ફગાવી દેવામાં આવી હતી. મુંબઈ પોલીસે કોર્ટમાં કહ્યું કે, રાજ કુંદ્રા પોર્નોગ્રાફીમાંથી થતી કમાણીની રકમ ઓનલાઈન સટ્ટામાં વાપરતો હોવાની શંકા છે, માટે તેના બેંક અકાઉન્ટની તપાસ જરૂરી છે.