ISHAMI TV's video: Impinduka Zikomeye Mu Gisoda c u Burundi Abajenerali Barakombowe Batanguye Kwandika Tracts

Abarongoye amakambi ya gisirikare batari bake baraye bahinduwe. Umushikiranganji wo Kwivuna Abansi, Alain Tribert Mutabazi, yaraye ahinduye abarongoye amakambi y'igisirikare bashika 23, be n'ivyegera vy'abarongoye amakambi bashika 22. Mu makambi yakozweko n'izo mpinduka harimwo ingabo zirinda Umukuru w'Igihugu (BSPI) aho hahinduwe icegera c'umukuru w'izo ngabo, uwutwara Bataillon ya kabiri muri BSPI, icegera c'uwutwara Bataillon ya mbere muri BSPI. Tubibutse ko mu gihe Umukuru w'Igihugu yari mu rugendo muri Amerika habaye ibintu bitangaje, aho bamwe mu basirikare ba BSPI barungikwa giturumbuka kugombora bagenzi babo kw'iradiyo na Televiziyo vy'igihugu (RTNB), abasanzweyo bakanka kubabisa, ari naho ibihuha vy'itembagazwa ry'ubutegetsi bwa Ndayishimiye vyaca birandagata mu gihugu cose.