Kashmiri کشمیری Sufism صوفی اِزم's video: Bandbaz ty Band e K l Rawan Rind e Bann Zindigi Sar e Kartan

Bandbaz ty Band,e Kæl Rawan Kalaam Ahad Zargar Singer Ghulam Ahmad Sofi بندٕ باز تَے بندٕ کألۍ راون رندٕ بن زندگی سرٕ کرتن فندٕ باز دُنیا چُھے تاون رندٕ بن زندگی سرٕ کرتن وؠتھرینۍ یامتھ لأجۍ پِتہٕ رؠنۍ کَتھہٕ رؠنہِ ہنز کتھہِ دٔز گتہٕ رؠنۍ سترینہِ تانۍ وژھٕ تنہِ جامن رندٕ بن زندگی سرٕ کرتن ژٔرۍ دۆپ بوٗزٕم شِکار بوٗلۍ أنۍ دۆپ ڈیونٹُھم رٔنۍ لأے گوٗلۍ نیتھہٕ نٔنۍ تروونس پیٹھ دامن رندٕ بن زندگی سرٕ کرتن پٔہلِس تہٕ پہجے ییلہِ ووتھ نیاے پہکو بہکن پیٹھ رٔٹۍ جاے لۄہ ژۆل کھیول ہیتھ آکاش ون رندٕ بن زندگی سرٕ کرتن از مُلکِ ملکوت تھایام گوش حضرتِ جبریل اوس در خروش اوصافِ میم اوس ونان ملکن رندٕ بن زندگی سرٕ کرتن دریایِ اکبرٕ نِشہِ کر نظر آبس چِھ آبٕکۍ جاناور آتشی ناو ہیتھ چُھ واو دورن رندٕ بن زندگی سرٕ کرتن ستہِ رنگہٕ ڈیونٹُھم جانواراہ نَو آسمان چِھس نألۍ تاہ بہ تاہ پۄختہٕ بختہٕ بڈۍسےٕ موکھتہٕ چُھس کھؠن رندٕ بن زندگی سرٕ کرتن آسمانَو نؠبر وُچھ بارگاہ ستھ گوہر معلق بر ہوا عرشس ہیرِ تہٕ فرشس بۄن رندٕ بن زندگی سرٕ کرتن لامکان سپدتھ وچھ لامکان وجود و شہود تتہِ حیران تمہِ تور نیرِتھ خبراہ آن رندٕ بن زندگی سرٕ کرتن جِسمس جسماہ پیدا کر جانس جاناہ چُھے افسر آناََ فان گژھ کتھہِ تھو کَن رندٕ بن زندگی سرٕ کرتن تورٕ کِس عالمس تورکُے ہوش تورٕکؠن سۄخنن تورٕ کُے گوش تور وأتِتھ گوس یورٕ کِس ژھؠن رندٕ بن زندگی سرٕ کرتن نَے تَتہِ صُبح نَے تتہِ شام نَے تتہِ کلمہ نَے رام رام نَے تتہِ مذھب ملت سمن رندٕ بن زندگی سرٕ کرتن غیبُ الغیبس غیجٕچ وتھ وحدتہٕ نِشہِ پییہِ بۄن کثرتھ تمہِ شایہِ خط پیوو دۄن میمن رندٕ بن زندگی سرٕ کرتن ہا احد زرگرٕ زؠو نینگلاو مِن وراء الورا دیدٕ پرزٕناو گژھنہٕ گٔژھۍ گٔژھۍ گرٕ عأرفن رندٕ بن زندگی سرٕ کرتن