Kashmiri کشمیری Sufism صوفی اِزم's video:

Kalaam Ahad Zargar Singer Gulzar Mir در دِل سر پاے احوال باوَے وۄلہٕ کألۍ راوَے کھیٛکھ ارمان سر دل بر بستر وۄتھراوَے وۄلہٕ کألۍ راوَے کھیٛکھ ارمان ینہٕ کنہٕ بوزٕم چأنی شاوَے تنہٕ بالہِ پوٗرِم سنز تہٕ سامان سنہٕ گوم تنہِ کر تن مِلناوَے وۄلہٕ کألۍ راوَے کھیٛکھ ارمان ہاوسہٕ درایس امہِ چانہِ ناوَے داوس لوگُتھ میون زوٗ جان واوس اتھہِ یِم نامہٕ سوزٕ ناوَے وۄلہٕ کألۍ راوَے کھیٛکھ ارمان سُلہِ گِلہِ ٹورؠن مَے برٕ ناوَے وِلہِ وِلہِ چاوتھ پوٗر پیمان دِلہِ جِگرُک ماز پیشکش تھاوَے وۄلہٕ کألۍ راوَے کھیٛکھ ارمان ژورِ ژورِ کوتاہ اۆش بو تراوَے مورِ نار یژکال گوم للہٕ وان حورِ پھیٖرٕم ذردی عشقہٕ آمہٕ تاوے وۄلہٕ کألۍ راوَے کھیٛکھ ارمان ژوشوٕنۍ طرفن لُکھ بوزٕ ناوَے دوشوٕنۍ ساعتہٕ اکہِ لگہِ پُرسان پشہِ وٕنہِ دِلکی پرکألۍ ہاوَے وۄلہٕ کألۍ راوَے کھیٛکھ ارمان یارٕ کَن دأرِتھ بوز میانہِ گراوَے آردَن ژٕ غأرن اسہِ دیدمان معرکن منز ما یِمہٕ کتھہٕ تراوَے وۄلہٕ کألۍ راوَے کھیٛکھ ارمان کَن زن برۍہَے سَن یاد پاوَے وَن وَن چُھ ونہٕ نُے نٔشراوان دۄن دوریر پیوان سۄنہٕ ٹاو ٹاوَے وۄلہٕ کألۍ راوَے کھیٛکھ ارمان دیہِ سُند لیوکھمُت کیتھہٕ نہناوَے مویہِ مویہِ بالہِ گأم چأنۍ زوالان نیہِ منز شیہِ شیہِ آلَو دیاوَے وۄلہٕ کألۍ راوَے کھیٛکھ ارمان زرگر احد بو سوز وایہِ ناوَے هر وِزِ روزَے زیرِ فرمان کر زانہہ آدنُک سُہ وعدٕ پُھٹراوَے وۄلہٕ کألۍ راوَے کھیٛکھ ارمان