Khyber Pakhtunkhwa Updates's video: KP Assembly Passed School Bags Weight Limitation Bill 2020 : Shahram Tarakai Press Briefing

خیبرپختونخواسکول بیگز ویٹ لیمیٹیشن بل اسمبلی سے پاس ہو گیا. اس حوالے سے صوبائی وزیر تعلیم شہرام خان ترکئ نے کہا ہے کہ اس بل کے بعد بچوں کو بھاری سکول بیگز سے مکمل نجات ملے گی اور سکول بیگ وزن کم ہونے سے بچوں کی بہتر ذہنی اورجسمانی نشونماہوگی. ان خیالات کا اظہار خیبر پختونخوا کے وزیر تعلیم شہرام خان ترکئی نے معاون خصوصی برائے اطلاعات و اعلی تعلیم کامران بنگش کے ہمراہ صوبائی اسمبلی میں پریس بریفنگ کے دوران کیا. صوبائی وزہر تعلیم شہرام خان ترکئ نے کہا کہ یہ طلباء کو ریلیف دینے کیلئے پاکستان کی تاریخ کا پہلا قانون ہے جس کااطلاق تمام پبلک اورپرائیویٹ سکولز اور مدرسوں پرہوگا. انہوں نے کہا کہ سرکاری سکولوں میں اس قانون پرعملدرآمد ایجوکیشن مانیٹرنگ اتھارٹی اور ڈسٹرکٹ ایجوکیشن آفیسرزکرائیں گے جبکہ پرائیویٹ سکولوں میں عملدرآمد بذریعہ پرائیویٹ سکولز ریگولیٹری اتھارٹی ہوگی. قانون کی خلاف ورزی کی صورت میں سرکاری سکولوں کے خلاف E&D رولز کے تحت کارروائی ہوگی. جبکہ پرائیویٹ سکولوں کو خلاف ورزی کی صورت میں 2 لاکھ روپے تک جرمانہ ہوگا۔ اور ایک مہینے کے اندر اندر یہ قانون قابل عمل ہوگا. انہوں نے کہا کہ ہم نے بیگ کو سمارٹ کردیا ہے ، طلباء صرف ضرورت کی کتا بیں لائیں گے، والدین اور ط لباء کیلئے آج خوشی کا دن ہے۔ بل پر عمل درآمد کےلئے بزیعہ میڈیا آگاہی مہم بھی چلایا جائے گا۔ وزیر تعلیم نے سکول بیگ وزن کے خوالے سے کہا کہ جماعت اول کے لیے سکول بیگ کا وزن 2.4 کلو گرام جماعت دوم کے لیے 2.6 کلو گرام، تیسری جماعت کے لیے 3 کلو گرام جبکہ ہائی اور ہائر سیکنڈری کے لئے سات کلو گرام وزن ہوگا۔