MAYILOSAI's video:

# பாளையங்கோட்டைமேடை போலிஸ் ஸ்டேஷன், சீரமைப்பு. துரித நடவடிக்கை - நேரில் பார்வையிட்ட மாவட்ட ஆட்சித் தலைவர். திருநெல்வேலியில் பாரம்பரியமிக்க எட்டாம் நூற்றாண்டில் பாண்டியர் ஆண்ட காலத்தில் பாளையங்கோட்டையில் கோட்டை அமைத்து ஆட்சி நடத்தியிருக்கிறார்கள்.அதற்குப் பிறகு பாளையக்காரர்களும் பின்பு ஆங்கிலேயர்களும் இந்த கோட்டையை நிர்வாக அலுவலகம் ஆகவும் அதன் ஒரு பகுதியை சிறையாகவும், பயன்படுத்தினர் இங்கு தான் ஊமைத்துரையை சிறை வைத்தது போன்ற பல வரலாறு நிகழ்வு கொண்டுள்ள கோட்டை .அந்த கால ஆட்சியின் அடையாளமாக இன்றைய மேடை போலீஸ் ஸ்டேஷன் தான் கோட்டையின் அடையாளமாக இருக்கிறது. மற்றொரு அடையாளம் பாளை பேருந்து நிலையத்தின் அருகில் இருக்கிற கட்டபொம்மன் சிலை பகுதி, மற்றொரு பகுதி,பாளையங்கோட்டையில் இருக்கிற அருங்காட்சியகம். எல்லோருக்கும் தெரிந்து கோட்டைக்கான முழு அடையாளமும் பெரிய அளவில் இருப்பது மேடை போலீஸ் ஸ்டேஷன் மட்டும் தான், ஆனால் இன்று பராமரிப்பின்றி சிதிலமடைந்து காணப்படுகிறது. இது நெல்லை மக்கள் மனதில் ஆழ்ந்த கவலையை ஏற்படுத்தி இருக்கிறது. ஆகவே மாவட்ட நிர்வாகம் தனி கவனம் செலுத்தி மேடை போலீஸ் ஸ்டேஷன் பகுதியை பாண்டியர்களின் கோட்டையின் பழைய பழமை மாறாமல் புனரமைத்து நாளைய சந்ததியினருக்கு இந்த தொன்மையை, அடையாளத்தை பாதுகாத்து வழங்கிட அன்போடு கேட்டுக்கொள்கிறோம் என்று திருநெல்வேலி மாவட்ட ஆட்சியர்.வே. விஷ்ணு, இ.ஆ.ப,அவர்களை இன்று மாலை (17.02.21 புதன்)ஏழு முப்பது மணி அளவில் சந்தித்து பெட்காட் மாவட்டச் செயலாளர். முனைவர் .கவிஞர்.கோ கணபதி சுப்பிரமணியன், நல்நூலகர். முனைவர் முத்துகிருஷ்ணன் பெட்காட் மாநகரச் செயலாளர் சு. முத்துசாமி ஆகியோர் சந்தித்து மேடை போலீஸ் ஸ்டேஷன் உடைய இன்றைய நிலை புகைப்படங்களை எல்லாம் காட்டி உடனடியாக நடவடிக்கை எடுக்க வேண்டும் என்று அன்பு வேண்டுகோள் விடுக்கப்பட்டது. உடனடியாக மாவட்ட ஆட்சித் தலைவர் அந்த பகுதியை பார்வையிட்டு துரித நடவடிக்கை எடுப்பதாக உறுதி அளித்திருக்கிறார்கள் இது உண்மையிலேயே நெல்லை மாவட்ட மக்களுக்கு ஒரு மகிழ்ச்சியான செய்தி. அதைவிட ஒரு வேண்டுகோள் விடுக்கப்பட்டு அதிலிருந்து 15 நிமிடத்தில் அந்த வேண்டுகோளை ஏற்று,பார்வையிட்டு துரித நடவடிக்கை எடுத்த மின்னல் வேக மாவட்ட ஆட்சியர் மரியாதைக்குரிய வே. விஷ்ணு இ .ஆ .ப., அவர்களுக்கு நெல்லை மாவட்ட மக்களின் சார்பில் பாராட்டுகளையும் வாழ்த்துகளையும் தெரிவித்துக்கொள்கிறோம்.