Mungpoo News's video: Bimal Gurung Anit Thapa

Bimal Gurung को सोझो निशाना Anit Thapa ! आज गोर्खा जनमुक्ति मोर्चा पार्टीको अध्यक्ष बिमल गुरुङले एक पत्रकार भेलालाई सम्बोधन गर्दै वर्तमान गोर्खाल्याण्ड क्षेत्रिय प्रशासन सभाको प्रमुख कार्यपाल साथै भारतीय गोर्खा प्रजातान्त्रिक मोर्चाको अध्यक्ष अनित थापालाई सोझो निशाना बनाएका छन् । गुरुङले अनित थापा प्रति कटाक्ष गर्दै भनेका छन् कि हाल अनित थापा करोडौ रुपियाँ खर्च गरेर विपक्षका सभासदहरु किन्न तिर लागेका छन् । तर सभासदहरुलाई जति पैसा दिएर उनले किनीरहेको तेति पैसा चियाबगान श्रमिकहरुको निम्ति दिएको भए उनलाई पुण्य मिल्ने बताए । हाल चियाबगान श्रमिकहरुको अवस्था एकदमै नाजुक बनिरहेको छ यति बेला जीटिए प्रमुख भएको हैसियतमा उनले चिया बगान श्रमिकहरूको दुख निवारण गने बारे पहल गर्नुपर्थ्यो तर यसको ठीक विपरीत आज अनित थापाले चियाबगान श्रमिकहरुलाई बेवास्ता गरेर आफ्नो सभासदहरुको संख्या बढाउन तिर ज्यादा ध्यान केन्द्रित गरेको गुरुङले आरोप लगाएका छन्।