Murage Mwiza's video: Nyirandabizi lyrics - Sipiriyani Rugamba Amasimbi n Amakombe - Rwanda

Uramenye wiba nyirandabizi; Wicunda amaganya, Ngo ujye uresa amagambo; Ahubwo jya uvuga ibyo uzi imvano. Uriya mukobwa jye ndamuzi, Ni icyomanzi cyaheranije; N'ubu aratwite jye ndabihamya, Abagabo be barenze magana abiri. Umucamanza jye niboneye, Ntabwo akiburanya ararereka. Niba unarengana we abibona, Nta rundi rubanza ni ukuyabara. Uramenye wiba nyirandabizi; Wicunda amaganya, Ngo ujye uresa amagambo; Ahubwo jya uvuga ibyo uzi imvano. Abenshi mureba bubaka amazu, Ni amafaranga ahora arigiswa. Hariho abiba bakiyongeza, Isanduku ya Leta ni isibaniro. Uramenye wiba nyirandabizi; Wicunda amaganya, Ngo ujye uresa amagambo; Ahubwo jya uvuga ibyo uzi imvano. Umucuruzi we ntumuvuge. Niba forodi ye imukijije, N'uwari kumufata barafatanya, Maze bombi basangire icyo giceri. Uramenye wiba nyirandabizi; Wicunda amaganya, Ngo ujye uresa amagambo; Ahubwo jya uvuga ibyo uzi imvano. Undogera abana jye ndamuzi, Ni umugore uza aha wirabura. Yavuze yuko ntazacutsa, Ngo kereka ninimuka nkajya kure. Uramenye wiba nyirandabizi; Wicunda amaganya, Ngo ujye uresa amagambo; Ahubwo jya uvuga ibyo uzi imvano. Kamyo ya Leta yarirukaga, Igahora ikorera ikorera databuja. Nti ese shoferi ibyo si ukwiba ? Ati uwabaye umutware ntaba umunyoni. Uramenye wiba nyirandabizi; Wicunda amaganya, Ngo ujye uresa amagambo; Ahubwo jya uvuga ibyo uzi imvano. (Nyirandabizi ~ Cyprien Rugamba & Ballet Amasimbi n'Amakombe, Rwanda)