Murage Mwiza's video: Inkuza - Bernard Rujindiri - Rwanda

Inkuza, inanga ya Rujindiri Berenarudo acuranga yunganiwe n'amajwi ya Semahe na Ntamaganya. Twibukiranye ko na mugenzi we mu buhanzi, Sebatunzi, na we yarayicuranze. Abo twabajije batubwiye ko 'inkuza" bivuga indwanyi itagamburuzwa/itavirira. Akaba (wenda) ali na yo mpamvu muli iyi nanga twumvamo ubwiganze bw'ibyivugo by'ingabo. Iyo ubanguye amatwi, wumva iyi nanga ijya gutangira/itangira kimwe nk' "Amararo" https://youtu.be/obljbV_ZuSc None na yo yaba ivuga kuli Muhigirwa (igikomangoma) wa muhungu wa Rwabugili wari ushinzwe inkiko zo ku Burundi ? Hakaba n'abavuga ko ahubwo ali ibyivugo bigusha ku gihe umwami Rwabugili yigarurira ikirwa cy'Ijwi, bityo ibyivugo bashishimuramo bikaratira abasigaye i Rwanda iby'uwo mutsindo. [Nta magambo yayo twashyizeho mu nsi nk'uko bisanzwe, namwe mutwunganire, kandi murakosore. murakoze]