News24 Nepal's video: PRIME TIME 8 PM NEWS 2077 11 14 - NEWS24 TV

कर छलेर तर मार्नेहरुको यो देशमा कमी छैन । देश गरीब बन्दै गर्दा धनाढयहरुको सूची यो देशमा बढ्दो छ । जस्ले जसरी व्यवसाय गरे पनि हुने भएको छ । न कानूनको डर , नत कर तिर्नु पर्छ भन्ने नै डर । तर सरकार र उस्का निकायहरुले कर एवं राजश्व छली गर्नेहरु र कालोधनको कारोबार गर्नेहरुमाथि निगरानी बढाएपछि यस्को सूची पनि लामो नै तयार भएको छ । नक्कली बिल बिजक तयार गरी राजश्व लुकाउने तथा छली गर्ने २ सय भन्दा बढी कम्पनीहरुलाई राजश्व अनुसन्धान बिभागले कारवाही अघि बढाएपछि धेरै रहस्यहरु सार्वजनिक भएका छन् । यी कम्पनीहरुमाथि मुद्दा अघि बढाउँदा ३६ अर्ब बराबरीको विगोको पनि माग दावी गरिएको छ । देशको आर्थिक चित्रलाई विरुप पार्ने गरी भइरहेका खेलहरुमाथि अनुसन्धान विभागले अगाडि बढाएको कारवाही प्रभावकारी भए गलत धन्दा गरिरहेकाहरु फन्दामा पर्ने निश्चित छ । राजनीतिकरुपमा देश अनुशासनहिन बन्दै गइरहेको अवस्था आर्थिक अनुशासनमात्र कायम भइदिए देशको दशा सुध्रिने आशा राख्न सकिन्छ । कामना गरौं होस् पनि यस्तै । प्राइम टाइम न्यूजका हेडलाइन्स । ¬ १. भ्याट, आयकर र अन्तशूल्क छली गर्ने दुई सय बढी कम्पनी कारवाहीको दायरामा , ३६ अर्ब विगो दावी गर्दै मुद्दा दायर । २. हिम्मत भए अविश्वासको प्रस्ताव ल्याउन ईश्वर पोखरेलको चेतावनी, संसद होस् या चुनाव सबै तिर लड्न तयार रहेको टोपबहादुर रायमाझीको भनाइ । ३. नेकपा आधिकारिता विवाद नमिलेसम्म जसपाले कुनै पनि निर्णय नलिने राजकिशोर यादवको प्रष्टोक्ति, नेकपाको एकतामा नै मुलुकको हित रहेको जिकिर । ४. बर्डफ्लुको आतंकले काठमाडौं पुनः त्रसित , तारकेश्वरको साङ्लाफाँटमा १५ हजार बढी कुखुरा मारिए, सतर्कता अपनाउन पशु सेवा विभागको आग्रह । ५. जातीय विभेदले जरो गाडेको समाजमा अझैपनि कथित तल्ला जातिमाथिको दुव्र्यवहार घटेन, दलित भएकै आधारमा एक शिक्षक विद्यालय भित्रै पिटिए । SUBSCRIBE :http://www.youtube.com/user/news24tvchannel WEBSITE : WWW.NEWS24NEPAL.TV