Paolo Rosario Passaro's video: Ida Di Benedetto - O nnamurato mio di Raffaele Viviani

# # # CERCA SU FACEBOOK CANZONENAPOLETANADAUTORE Ida Di Benedetto, ospite nella puntata di Blitz, condotto da Gianni Minà, dedicata a Napoli. Recita una poesia di Raffaele Viviani "O'nnamurato mio". testo 'O 'nnammurato mio se va 'nfurmanno cu chi aggio fatto 'ammore e va vedenno... e passa pe' vicino...e va 'nzurdanno... 'a n'anno e miezo chesto va facenno! Mm''o ssento 'e scennere ca 'o lasso, e sùbbeto, si 'a fede 'e nasceta mme vò' cacciá... Nun ce só' chiacchiere né fóse 'a appennere: si nn''a vò' 'ntènnere pò cammená! 'O 'nnammurato mio fa 'o scrupuluso: a sulo a sulo nun mme dá nu vaso... Se 'mbroglia, se 'mpapina, fa 'o scurnuso... io 'o chiammo 'o maccarone senza 'o ccaso... Vicino â femmena ce vò' 'o sensíbbele: chi è muollo e 'nzípeto se fa schifá! Ll'ommo ha da tènere presenza 'e spíreto... si no arretírete... nun ce ammusciá! III 'O 'nnammurato mio mme vò' accullata, cu 'a capa liscia e semplice vestuta... Si rido sulamente?...só' sfacciata! nun pòzzo arapí 'a vocca...aggi''a stá muta... Ma a chi vò' affliggere? chillo è carattere ca mm'aggi''a movere si aggi''a parlá... Cchiù 'nzierre 'e ffemmene cchiù se 'mpuntígliano: cchiù 'e ccorne sguígliano senza pietá... Finale: 'O 'nnammurato mio fa 'o scrupuluso: a sulo a sulo nun mme dá nu vaso!