RTR Uffants's video: Minisguard dals 09-01-2021

Patinar sin il lai da Laax En l’Engiadina è quai pli u main normal ch’ils lais sco p. ex. quel da San Murezzan u quel da Segl schelan d’enviern – e ch’ins po patinar, far cursas da chavals u er simplamain spassegiar sin il lai schelà. Pli spezial èsi ch’ins po era patinar u dar hockey en Surselva sin il Lai grond a Laax. Nus essan stads a guardar e declerain tge ch’i dovra, per ch’in lai schelia e per ch’ins dastgia insumma ir sin il lai schelà. Co funcziuna atgnamain in vaccin? Dapi emnas ma cunzunt ils ultims dis aud’ins, leg’ins e ves’ins adina puspè dal vaccin cunter il coronavirus. Er il Grischun ha cumenzà quest’emna a vaccinar senioras e seniors en las chasas d’attempads. Ma fin ch’igl è uschè lunsch ed il vaccin è finì e pront en la squitta, datti ina massa lavur. Il Minisguard declera tge che capita tut, fin che tut quels che vulan pon sa laschar vaccinar e co ch’il vaccin duess lura proteger noss corp dal virus. àPerVus Entiras episodas dal Minisguard: https://bit.ly/2ElwT4R Paraulas ed istorgias en tut ils idioms: https://bit.ly/34r8NQX RTR sin Instagram: https://bit.ly/2RWvZ6X Has ti dumondas, ideas u propostas per novs videos? Lura be dai sin noss chanal en la sparta «discussiun» 😊