Throy Catan's video: Vice Ganda nagparinig ba sa GMA 7 ASAP Natin To bongga ang unang show sa TV5

BONGGA ngayon ang "ASAP Natin 'To" dahil mapapanood na ito ngayon sa TV5. Maraming viewers ang tumutok last Sunday, January 24. Ito ang pumalit sa "Sunday Noontime Live!" na huling umere noong January 16. Kakaiba ito dahil nagsanib-puwersa ang ABS-CBN at TV5. Ang nagbigay ng unang mensahe ay sina Martin Nievera, Gary Valenciano, Ogie Alcasid, Erik Santos, Zsa Zsa Padilla, at Regine Velasquez, “As they say, there is strength in numbers. Dahil kapag mas marami, mas masaya. “Kaya tawagin na ang buong pamilya — si Nanay, si Tatay, mga anak, si Lolo, si Lola, at ang mga kapatid. Dahil saang panig ka man ng Pilipinas, ng mundo, we celebrate as one. “Pinagsanib-pwersang saya ang hatid namin sa inyo. Mas malawak at mas malaki. “Dahil sa pinagsamang lakas ng mga Kapamilya at mga Kapatid, we’ve got a bigger and wider reach. “Mula sa online, cable, at free TV hanggang TFC, hatid namin ang world-class and quality entertainment para sa inyong lahat. “Marami pong salamat sa inyong patuloy na pagmamahal at suporta. Dahil sa inyo, palakas nang palakas, at patindi nang patindi ang ating pagsasama. “Hindi ninyo kami iniwan at lagi po kayong nandiyan. Kaya naman wherever you are, we are one and we’re happy together. “Bilang isang pamilya at kapatid, kaya naman feel the power of our love as we continue to entertain and bond with you every Sunday. “Dito lang kung saan tayo’y laging sama-sama dahil kuwento natin ‘to, musika natin ‘to... ASAP Natin ‘To!” Samantala, nagpasalamat si Vice Ganda sa mga executive ng TV5. “What’s up, madlang people, mga Kapamilya, at Kapatid? Maraming-maraming salamat po. "Personally, I would like to say thank you very much. To PLDT and TV5 Chairman Mr. Manny V. Pangilinan, Cignal and TV5 President and CEO Mr. Robert Galang, maraming-maraming salamat po." sabi ni Vice. Dagdag pa niya, “Congratulations and thank you very much for making this milestone happen with ABS-CBN, Kapamilya, Kapatid! “At kaya tayo nandidito, ang ganda, kasi di ba nag-merge? Inclusive di ba? "Wala nang dibisyon, may TV5, may ABS-CBN, may Kapamilya, may Kapatid." Nabanggit din ni Vice ang GMA 7. Kilala rin sa tawag na Kapuso Network ang GMA7 at nagkataon na ang suot ni Vice ay ang heart-shaped red dress “Siyempre kaya ako nagganito… Kapuso... mga Kapatid mahal na mahal namin kayo!!” ang natatawa na sambit ni Vice habang ipinakikita ang kanyang damit. “Sabi ko na, two plus five equals puso,” ang sundot na reaksyon ni Vhong matapos ipakita ni Vice ang outfit nito. Magandang umpisa ng taon naman kay Janine Gutiettez ang paglipat niya sa Kapamilya Network. First time ni Janine na tumapak sa isang Kapamilya studio. “Surreal! Parang panaginip talaga!” sabi ni Janine pagkatapos kantahin ang kantang “Panaginip”. Ano ang masasabi niyo rito? Let's discuss!