Throy Catan's video: Nadine Lustre ungrateful artist ng Viva

HANDA na si Nadine Lustre para idepensa ang kanyang sarili laban sa dati niyang management na Viva Artists Agency. Nakatakda na kasi ang kanyang hearing sa January 26 at February 16. Matatandaan natin na nagsampa ng kaso ang Viva laban kay Nadine last month. Ayon sa Viva, lumabag daw si Nadine sa kontrata. May natitira pa raw siyang taon sa Viva pero umalis si Nadine. Depensa naman ni Nadine ay very oppressive daw ang Viva Artists Agency kaya umalis siya. Ito ang statement ng legal counsel ni Nadine na si Atty. Lorna Kapunan during her interview sa DZRH last Tuesday, December 29. “Binigyan ng pagkakataon si Nadine na mag-file ng opposition, because humihingi sila [Viva] ng Injunction at saka attachment dahil daw sa mga kontrata na Nadine allegedly entered into ano... “Pero marami kaming gustong sabihin at sasabihin namin sa Opposition namin because, number one, e, yung contract with Viva is really an agency agreement, ano? “Alam naman natin na pag agency iyan, puwedeng i-terminate ng principal at all times. Kasi, ang daming pagkakamaling ginawa ng Viva kay Nadine. “Although sinasabi ng Viva na the future of Nadine and her reputation in the industry was all because of them, ipapakita namin na hindi iyan totoo.” Binanggit din ni Atty. Kapunan kung bakit "oppressive" ang agency. “The contract is really oppressive, ‘no? She entered when she was 15 years old and extend sila nang extend without explaining to Nadine hanggang 2029 ang kontrata niya. “Ang sinasabi ng Viva na may valid contract sila, which is not correct. The contract was terminated in October. “At si Nadine ay self-managed na iyan, ano? Lahat ng mga kontrata niya, ang mga commercials na ginawa niya ay siya ang nagpundar niyan, ano? “Viva had nothing to do with it at hindi naman tama na hihingi sila ng 40 percent… gumawa naman sila ng effort,” sabi ni Atty. Kapunan. Binanggit din ni Atty. Kapunan na hindi aabot sa korte, kundi dapat dumaan sa arbitration dahil iyon ang nakasaad sa kontrata. “Dapat kung may dispute ang parties… ang Viva, may reklamo kay Nadine, pumunta sila sa arbitration. Ang ginawa ng Viva ay dumiretso sa korte. “Hindi naman sila nagbigay ng notice kay Nadine na gusto nilang mag-arbitrate. “Pag arbitration ang procedure ay ganito: ang Viva ay mag-appoint ng isang arbiter, ang Nadine ay mag-appoint ng isang arbiter, at silang dalawa ay magpi-pick ng third arbiter. “So, ang magde-decide ng dispute ng problema ng parties, ang Viva at ni Nadine ay itong arbitration. Yung tatlong arbiters ang mag-decide kung sino ang tama at sino ang mali. “Ang ginawa ng Viva, e, sinasabi nila, may kontrata, hindi naman nila sinusunod ang kontrata. “Dumiretso sila sa korte at ngayon ay humihingi sila ng injuction,” say ni attorney. Ano ang masasabi niyo rito? Let's discuss!