ToM's video: Zawlnei Mimi Hrilhlawkna Thupuan - 3

Lalpa Zawlnei Thupuan-3 “He Khawvela Pathian Lalna Ram Din” Kan ram leh khawvel pumpui in Hripui- Coronavirus/Covid-19 leng kan buaipui luih luih chuan ziaawm lam ala pan hleithei lo. Chunglamin “A tawk e!” a tih hma loh chuan ti tawp thei tumah kan awm lo chu anih hi. He hripui kan rama rawn lut tur chungchang Lalpan min puan tir avangin mi tam takin min hrethiam lo hle a, tin, he hri chungchang chauh buaipui emaw min lo ti te pawh an awm bawk a. Kumin March thla tira Real Life- in min kawmna a ka sawi ang khan “he hripui leng hi chu sual avanga nasa taka chhe tawh khawvel siamthatna tura Pathian hmanrua a ni a, sual sima a hnena kan kir chuan Lalpan min tidam leh ang, kei chu hemi hnua kan ram awm dan tur min hmuh lawk tirna boruakah ka cheng daih tawh” ka tih kha. Ka lehkhabu chhiar leh ka thu ngaihthlak te chu a danglam khawp mai. Ka tuipui leh ngaihsak ngailoh kan thlahtu lam chhuina te leh hmanlai Mizo thawnthu te, kan Mizo Zawlnei ho thu te ka tuipui ta em em a ni. Hemi chungchangah hian Pathian rawnin mipui hmaa puan tur chi nge chi loh tihte ka zawt a, August thla hi hun danglam a ni dawn a ni tih min hriattir a. Lalpan 1st August (Inrinni) zanah Thlarau a ka unau Pi Lalthai Fanai te in ah kan rawngbawlpui unau dangte nen Thlarau boruak danglam taka min chiah hnuah ka lo puang thei ta a, ka lawm hle mai. Lalpa chu fakin awm rawh se! Hengte hi a kimchang chuan ka Hrilhlawkna Bu (Book of Prophecy) ah ka ziak vek a, tunah chuan sawi vek a remchan loh avangin a tlangpui chauh ka han tarlang ang e. 1. March 18, 2020 (Nilaini) chawhnu dar 2 ah khan Jeremia Bung 2 leh Luka 1:34-38 ziak ka dawn chu tap chungin ka chhiar a, Pathian hnena sima kan kir lehna chhan turte min hrilh a, chumi hnua kan ram leh India rama Harhna/Revival lo thleng turte ka hmu a, hetia ka awm lai hian damdawi rui ang maiin taksa zawi vek leh meng tha hlei thei lovin ka awm a, mahse, ka rilru chu a fim vek a ni. Cinema- a en ang mai hian thil lo thleng tur te chu min hmuh tir a, kan ram leh hnam Pathian hriakthih hnam anga kan dinchhuah huna khawvel pum huapa min chawisanna turte min hmuh tir a, a ropui em em a ni. Heta min hmuhtir dan chuan mahni a ro in rel “Independent Nation” angin *Anointed Zo Nation- Mizoram* in kan lo ding a, chu Lalpa hriakthih Mizo Nation chu khawvel hun hnuhnungah hian Pathian ropuina atan khawvel huapa chawisan leh tarlan kan lo ni a, keimahni avangin mi tam tak Pathian Lalram/Kingdom ah rawn tel ve an chak a, min rawn pan khawm a ni. 2. Lalpan min hriattir angin March 26, 2020 (Nilaithawhtan) ah khan Sialsuk Tlang chhip sang lai berah Zawlnei Kawlha ten ram tana Hriatrengna Lung an lo phunna hmunah *”Anointed Zo Nation (AZN) ten Ram an Final ta”* tih ziahna Lung kan va phun a ni. Hemi chungchang hi sawi tur tam tak a awm. 3. Lalpan min hriattir dan chuan kan ram rorelna hi a inthlak thleng hlak tawh dawn a, tuna rorelna chelh mektute hian tun hun/term bak hi an chelh nawn tawh dawn lo va, Lalpan mi thar hlak, rorelna la chelh ngailo te a rawn tung ding anga, anni ho chuan Pathian hriakthih hnam kan nihna angin rorelna an kal pui anga, chuta min hruai luhna tur chu Pathian nung ringlotute hnuaia kun tawh lova India ram atanga zalenna- Independent Nation a ni. Hei hi hmana kan hnam pasalthate pawhin an lo beih nasat em em kha a ni a, chu chu Lalpa hriakthih CM hovin a hnam pumin inlungrualin kan bei ho anga, Lalpan hnehna chu min pe tawh dawn a ni. 4. Tun June thla tir te a Lalpa min hmuhtir zingah hian khawvel ram ropui bera kan ngaih United States of America (USA) tlukchhiatna tur chungchang a tel a, Pathian an hawisan nasat em avangin a thinurna nasa tak an tawng baw mek a, tun November thla a an ram Inthlanpui lo awm turah pawh hian rorelna a inthlak anga, an ram pawh a buai zual zel ang tih ka dawng bawk a ni. Hei hi khawvel pum tan darthlalang tur a ni ang. Pathian avanga chawisan, tih ropui leh tih hausaka awmte pawh Pathian an hawisan chuan pawhthlak leh tih mualphovin an awm leh thei a ni tih tarlanna leh hun hnuhnunga Bible hrilhlawkna te alo thlen dikna turin. Hei zawng hi tun hunah chuan ka han tarlang phawt ang e, kan hriat tur pawimawh tak chu engkim hi Pathian kutah a awm a, hriattirna leh hrilhlawkna te pawh ama thu thu a ni e. He Khawvel ah hian- I Lalna Ram Lo Thleng Rawh se! Thy Kingdom Come, Thy will be done on earth as it is in Heaven! Lalpa bawihnu, a , _Lalhmachhuani Faith Ministries, Mizoram