UN Assistance Mission in Somalia (UNSOM)'s video: Tubta Nabadda Episode 224

Todobaadkan , waxaan ku xusaynaa Maalinta Raadiyaha Adduunka oo caalamka looga dabbaaldego 13 February. Waxaan si gaar ah u eegi doonaa kaalinta muhiimka ah ee raadiyuhu ka ciyaaro nolosha bulshada Soomaaliyeed. In kastoo horumar wanaagsan laga sameeyay saxaafadda casriga ah, hadana doorka raadiyuhu wali wuxuu muhiim u yahay xiriirka ka dhexeeya dadka Soomaaliyeed. Waxaan barnaamijka ku waraysanay Shukri Baryare Maxamuud oo ka tirsan wariyeyaasha Radio Hiran weyn ee Magaalada Beledweyne. Waxay ka waramaysaa sababta ku dhalisay shaqadan, caqabadaha suuragalka ay tahay inay wajahayaan gabadhaha wariyeyaasha ah iyo sidoo kale waxyaabaha ay soo kordhiyaan gabadhaha wariyeyaasha ah. Waxaan sidoo kale waraysanay Abdisalan Mohamud Shire oo ka tirsan Radio kismayo. Wuxuu ka hadlayaa barnaamijyada uu soo saaro iyo sida ay u daboolaan baahida dadka baahiyaha gaarka ah qaba. Wuxuu sidoo kale ka hadlayaa sida barnaamijyada uu sameeyo ay kor ugu qaadaan nabadda iyo wadahadalka bulshada dhexdeeda. Barnaamijka oo ay idin la socodsiinayaan Ali Gutale and Fathi Mohamed, waxaad ku dhagaysan doontaan gabay ku saabsan muhiimadda raadiyaha oo uu noo tiriyo Liibaan Cabdi Warsame. Ka dhageyso barnaamijka Radio Garowe, Radio Muqdisho, Radio Kulmiye KNN, Radio Baydhaba, SBC Radio, Radio Cadaada, Radio Risaala, Radio Dalsan, Radio Hiranweyn, Radio Galgaduud iyo Radio Kismaayo. Si aad qayb uga noqoto barnamaijka waxaad wici kartaa idaacadaha, oo nala wadaag aragtidaada. Hadii uu ku seegay barnaamijkan halkaan ayaad ka dhageysan kartaa wakhti walba. waxaad sdoo kale ka helikartaa Podcast qybtaan iyo qaybaha kaleba iTunes (apple.co/2xbk78c), Stitcher (bit.ly/2x9djbd) (bit.ly/2kljcZJ).