Ubud Writers & Readers Festival's video: UWRF Speakers at Home: Made Sugianto

Apa makna sastra bagi Anda? Untuk menyoroti pentingnya sastra, kami telah meminta para pembicara UWRF sebelumnya untuk membacakan karya sastra dari rumah, baik karya yang telah mereka tulis selama masa pembatasan sosial, karya mereka sebelumnya, atau karya orang lain. Hari ini, penulis Made Sugianto membacakan puisi karya IDK Raka Kusuma, "Magpag Toya." Selamat menikmati dan ikuti terus akun kami untuk pembacaan karya lainnya. --- Magpag Toya Olih: IDK Raka Kusuma Yén sakéng kalér rauh Ngelodang mamargi Yén sakéng kelod rauh Ngalérang mamargi Yén sakéng kangin rauh Ngauhang mamargi Yén sakéng kauh rauh Nganginang mamargi Sampunang ka tukadé membah Sampunang ka segarané membah Ka bangketé deriki membah Jlinjing genag idéwané mamargi Sampun suci Nirmala Sampun masiratin tirta sudamala Nénten wénten ngregah Sami dangsah Dangsah sami Ten madaging dui rénggah Ngawinang angga Kanin utawi bedah Pamargin duéné Mangda lanus lan lantur Banten pamapagé Sampun katur Sampunang keda-keda Déwi Sri nénten menggah piduka Sampunang keda-keda Déwi Sri lédang arsa Winih pantun ring tangan Idané Pacing kapica ring ragan idéwané Sampun kaastrénin. Ring mentikné Mangda nged wohné sami Tan telas yadiastun pang satak tali kaanyi Sakéng dija ja rauh Rarisang mamargi Nénten wénten mrana nguluh Nénten jagi isep luluh Yéning idéwa magenah ring bangketé deriki Tur nénten punapa punapi Dewa, déwa, déwa sang maraga toya Ngemit ragan idéwané Dados lelakut sakti kabinawa Tiang malingsé Tegeh, kantos nyundul ambara Ainé tekep tiang yén idéwa panesan Yéning kanten jaga tuh bangket sané genahih idéwa Ambarané rajah tiang raris engkahin tiang pang tiga Malih apakpakan basé ring bangketé sabeh tan pararian Déwa, déwa, déwa sang maraga toya Sampunang, sampunang sumanangsaya --- Ubud Writers & Readers Festival: http://www.ubudwritersfestival.com Subscribe: https://www.youtube.com/user/ubudwritersfest Podcasts: http://www.ubudwritersfestival.com/podcast/ Instagram: http://www.instagram.com/ubudwritersfest Facebook: http://www.facebook.com/ubudwritersfest Twitter: http://www.twitter.com/ubudwritersfest