VolksbladNuus's video: Kw la besoek Griekwastad-plaashuis

Die joernaalprogram Kwêla het verlede week 'n besoek aan Griekwastad gebring en onderhoude gevoer met Charné Kemp, Volksblad-verslaggewer wie se boek oor die Griekwastad-treurspel môre beskikbaar sal wees. Hulle het ook gesels met Marianna Smith, suster van Deon Steenkamp wat tydens die treurspel op Griekwastad vermoor is. Smith het vir Kemp baie met die boek gehelp om te verseker dat die familiegeskiedenis en die feite korrek is. Sy het self ook briewe aan die slagoffers geskryf wat in die boek vervat is. Haar briewe word ná môre se uitsending in Huisgenoot gepubliseer. Die insetsel word môre om 19:30 op Kwêla (kykNET) uitgesaai. Hier voor die NG kerk op Griekwastad is van links André Weideman (Kwêla-aanbieder), Kemp (skrywer van die boek Moord op Griekwastad - Die storie van die Steenkamp-treurspel) en Smith. Foto: Verskaf