Western-Nepal's video: New Deuda Wachan by Dill Bahadur Mahara 2077
@New Deuda Wachan/सुदूरको झल्को/ सुन्दर सुदूरपश्चिमको परिचय by Dill Bahadur Mahara/2077
डेउडा कार्यक्रम सुदूरको झल्कोमा अाजको रचना साहित्यकार ,समाजसेवी ,कवि,सर्जक डिलबहादुर महरा ज्युको सुन्दर सुदूरपश्चिमको ९वटै जिल्लाको ,धार्मिक ,संस्कृति ,एक परिचय डेउडा रचना रहेकोे छ वाचन :रहडी मान जोरा Western Nepal youtube channel
facebook 9840456545https://www.facebook.com/man.jora
dailynewspokhara@gmail.com
https://www.youtube.com/channel/UCNE6lPUVY4LR4Beah-9xUWQ
""सुदूर पश्चिम ""
(डेउडा भाखामा छोटो धार्मिक,प्रकृतिक परिचय)
:डोटी:
कति राम्रो सुदूर् पश्चिम,मिलेको छ ठाउँ ।
जाने जति म भन्नछु,ठेगाना र नाउँ ।।
डोटिको दिपायल् थियो,सुदूर को क्षेत्र ।
ऐल गयो धन्गढिमा,भै गयो विचित्र ।।
उत्तर खप्टडी पाटन,राष्ट्रीय निकून्ज ।
त्रीवेणी,खप्तड दह,अनेक् गुफा पुञ्ज ।।
उई ठूलो तेलेको लेक,प्रकृतिको धनी ।
तालले प्रख्यात कति,छतिवन पनि ।।
कपल्ले केदारेश्वर,पोखरिकी जाँत ।
भुवा हेर्न तिखा आउनु,रङ्ही चङ्गी भाँत ।।
निरौली गर्खाकी दशैँ,ठूलै हुनि राम ।
शिखर काफली लाटो,महा तिर्थ धाम ।।
सालमुनी प्रख्यात छन्,देवि भगवती ।
दर्शन कि निम्तो दिन्छु,आया मान्ने जति ।।
क्या मिठा साईलका आलु,वास्मती जोरायल ।
सुदूरको मध्य भाग,क्या राम्रो दिपायल ।।
माहाभारत् तेले लेक,दक्षिणमा पर्छ ।
प्रकृतिको सुन्दर् छटा,विकास् कोले गर्छ ।।
वन्य जन्तु,जटिबुटी,कयौँ वनस्पती ।
यैँ वस्ने काफली लाटो, यतै पशुपती ।।
बडि केदार् बोग्टानमा,अस्द्वाला सायल ।
जोगेश्वर,भागेश्वर,दिल्पेश्वर् दिपायल ।।
भैरवकोट,दुधेश्वर,सालमुनी पन ।
गहनान,घण्टेश्वर,सेती नदि छन ।।
भेल्छेडा र जोरपानी,झरना हुन् हाम्रा ।
मौवाको नगर दह,प्रकृतिमा राम्रा ।।
देवि ठुली शैलेस्वरी,प्रख्यात् मेरा डोटि ।
पहिला थियो गौडा ,नमन कोटि कोटि ।।
:कैलाली:
कैलाली बेहँडा बाबा,शिवपूरी धाम ।
आहा राम्रो घोडाघोडी,लोभ्याउने काम ।
जोडियो कर्णाली नदि,कति सुन्दर् पुल ।
क्या राम्रो जोखर ताल,कसैले न भुल ।।
भारतको सिमा पनि,जोडिएको साथ ।
माहा तिर्थ गोदावरी,सम्झ सवै गाथ ।।
:अछाम:
पर्यटक आकर्षित,बिनायक् अछाम ।
यैँ बगेकी बुढी गङ्गा,बैजनाथ धाम ।।
क्या छ सुन्दर् रामा रोशन्,यैँ अठार खण्ड ।
हेरूँ हेरूँ लागि रन्छ,सङ्गै बाह्र बण्ड ।।
क्या राम्रो भैँसोले क्षेत्र,रमाईलो छ ठाउँ ।
सुर्खेतको सिमा हेर्न,तुर्माखाँद जाउँ ।।
पञ्च देवल् कति राम्रो,बिनायक पर्छ ।
प्राचिनको कला यस्ले,उजागर गर्छ ।।
:बाजुरा:
बाजुरामा यार्शागुम्बा,मिल्छ हिमाल भित्र ।
बाजुराली कति सोझा,मिलन्सार मित्र ।।
प्रख्यात शक्तिकी देवि,छन् बडिमालिका ।।
दयालु छन् नाटेश्वारी,हुन् पूज्य कालिका ।।
धर्मद्वार कति राम्रो,त्रिवेणि पाटन ।
मार्तडिमा भेट् अरौँली,सम्रेणी काटन ।।
:बझाङ:
क्या राम्रो बझाङ्ग जिल्ला,चैनपूर पन राम्रो ।
सुदूरको अग्लो हिमाल्,यैं छ सैपाल हाम्रो ।।
उसोई ताल सुर्मा राम्रो,हिमाल् पन सुर्मा ।
देवि पनि सुर्मा हाम्री,घुमौँ चैनपूरमा ।।
उई राम्रो थलरा,देउरा,कति राम्रा ठाउँ ।।
हिमाल् सङ्ग जोडिएको,सङ्गै घुम्न पाउँ ।।
जिन्दगिमा हेर्नै पर्ने, मेला चैतोलिको ।
मन् लोभ्याउने डेउडा खेल,धन्न पैतोलिको ।।
ताईँ बगन्छ बाउली गाण,उसोई सैनी सेरो ।
बझाङ सङ्ग टाँसिएको,खप्तडको फेरो ।।
:दार्चुला:
टिँकर् भन्ज्याङ कति सुन्दर्,उई राम्रो दार्चुला ।
भारतको सिमावर्ती, पारि छ धार्चुला ।।
अति पाईनो यार्शागुन्बा,ठाउँ पनि सुन्दर ।
अपि हिमाल् प्रसिद्ध छ,ताँई राम्रा निर्झर ।।
मल्लिकार्जुन अभोलिङ्ग,शक्ति छ अचम्म ।
कालापानी जोगाउनुछ,लिपुलेक सम्म ।।
:कन्चन्पूर:
सुदूर को तराईँ भेग,सुन्दर् कन्चनपूर ।
ताईँ बस्ने बेत्कोट देव,जाउँ कि लाग्यो शूर ।।
शुक्लाफाँटा आरक्षाको,झल्को आउनो अति ।
बरम् देउका हाट बजार,जान्थे पूर्खा जति ।।
दोधारा चाँदनी जोड्ने,धेरै ठूलो पूल ।
उसै बग्ने माहाकाली,हिमालमा मूल ।।
आकर्षित कति राम्रो,लिङ्गा भन्ने ठाउँ ।
बचाउनुछ सुस्ता हाम्रो,गड्डा चौकि जाउँ ।।
:बैतडी:
झनै सुन्दर सुदूरको, बैतडी पाटन ।
देहि माण्डौँ कि जाँत जाउँला,सम्रेणी काटन ।।
सत्बाँझका लेक बाटी,हिमाल हेरौँला ।
मेलौलिकी भगवती,दर्शन अरौँला ।।
शक्तिशाली भगवती,ताईँ छन् डिलासैनी ।
मन्को सोच्या पूरा गर्ने,अझै निङ्गासैनी ।।
सङ्ग सङ्गै बैतडी जाउँला,सङ्ग सङ्गै घुमौँला ।
स्याउ खाउँला सुन्तला खाउँला,एकै साथ रमौँला ।।
:डडेल्धुरा:
सुदुरको चिनारी हो,डडेल्धुरा जिल्ला ।
ऐतिहासिक मनोरम,अमर गढी किल्ला ।।
डडेल्धुरा उग्रतारा, दर्शन गरौँला ।।
स्याउलेमा सुन्तला खाउँला,आलिताल झरौँला ।।
बाग बजार वरिपरि,कति सुन्दर बन ।
छन् ठूला शक्तिका धनि,घटाल बाबा झन ।।
शिखर लेकमा बस्ने, देवता गन्याप ।
प्रकृतिमा सुसम्पन्न,अब त जान्या ब ।
बसौँला मिलेर खाउँला,शाउ खर्कमा खिर ।
रमाउन सवैले सिकौँ,क्याई मान्नु छ पिर ।।
:अन्तिममा:
अछाम्,बझाङ्ग,बाजुरा यि,कैलाली र डोटि ।
सवैलाई बिन्ती छ मेरो,आईजानु एक् चोटि ।।
कन्चन्पूर,दार्चुला र,बैतडिमा जाउँला ।
दाँते ओखर दार्चुलाका,डडेल्धुरा खाउँला ।।
शान्त भूमी,सुन्दर् छटा,सुदूर पश्चिम हाम्रो ।
स्वर्ग भूमी नेपालको,सवै भन्दा राम्रो ।।
डिल बहादुर महरा 🙏🙏🙏
Western-Nepal's video: New Deuda Wachan by Dill Bahadur Mahara 2077
24
5