luarnalubregaliza's video: Luar Na Lubre - Se Queres

Presentación de Ribeira Sacra no Teatro Principal de Ourense (Xuño 2018) O carro tradicional foi importantísimo nos traballos do campo. As súas rodeiras milenarias deixaron trazados camiños na pedra e os seus sons ancestrais estiveron connosco ata non hai moito tempo. Estas son unhas estrofas recollidas na aldea de Niñodaguia, a María Copo e Xosefa Rodríguez. A música é unha creación propia dedicada a elas dúas. Se queres que o carro cante bótalle o eixo de bido as treitoiras de carballo e as cuñas de sangubiño Se queres que o carro cante móllalle o eixo no río e despois de ben mollado hache dar bon asubío Se queres que o carro cante como a gaita do gaiteiro, ponlle o eixe de carballo e as treitoiras de amieiro.