Road To Progress's video: Ramon Ang bilib kay Pres Duterte at Sec Tugade

MATAPAT. INCORRUPTIBLE. “DOER.” Ganito inilarawan ni San Miguel Corporation (SMC) President and COO Ramon S. Ang si DOTr Secretary Arthur P. Tugade sa isang panayam sa “Dos por Dos” ng DZMM. Ayon sa business tycoon, dahil sa nakikita niyang sipag, katapatan at incorruptible integrity ni Secretary Tugade, patuloy na nahihikayat ang SMC na magsulong ng mga inisyatibo upang makatulong sa pagpapagaan ng trapiko sa Metro Manila, gaya na lamang ng konstruksyon ng Bulacan International Airport, at ang planong pagtatayo ng Elevated EDSA. Pinapurihan din ni Mr. Ang ang pamumuno ni Pangulong Rodrigo Duterte, gayundin ni DPWH Sec. Mark Villar, na sinabi niyang "very open.” Dahil dito, naging bukas ang kanyang loob sa pagsuporta sa mga proyektong makabubuti sa bayan at magdadala ng ginhawa sa mga Pilipino.